陳柏宇 Jason Chan - 金草莓 Golden Strawberry | Official Music Video

陳柏宇（Jason）早前推出新歌〈金草莓〉，透過超巿待售的士多啤梨作比喻，一些明明有其本身價值的產品，卻因為不被看上，甚至等到減價都無人問津，帶出就像在現實生活中，大家在作出一些選擇時，其實自身也可能是被選擇的訊息。Jason 說：「其實唱呢首歌令我諗起好似人生裡面一啲冇好好地把握到嘅機會咁，明明有好多嘢想去做，好想去做好佢，做完之後可以令到個人有進步或成長，但係最後尾都會因為遺忘咗，冇好好咁去嘗試過就放低，之後就唔記得咗一樣。」 MV 以未來作背景，現場有一部「幸福售賣機」，只要入錢入去，就可以得到一位 part time 男朋友出來與買家玩一分鐘。而 Jason 就飾演於「幸福售賣機」中的其中一個 part time 男朋友，可惜一直得不到消費者的垂青，只可留在機器內看着「同伴」被買走。看似簡單的戲份，導演 Dick 表示其實全憑Jason 的想像力才完成，Dick 說：「Jason 戲份唔多，只係喺機器內係咁等，所以其實佢係冇同其他演員有互動，所有嘢都要佢自己想像，但佢做得好好。」而 Jason 亦演活了那個一直等待的角色，顯得很孤獨。 既然 Jason 是待售的，那「買家」是誰呢？今次導演找來新生代女神蘇麗珊來主演。蘇麗珊自爆是 Jason 的粉絲，可惜因劇情關係，兩人沒有同場的戲份，Jason 感可惜。蘇麗珊大讚故仔很特別：「可以入錢入去，跟住有個公仔陪你玩，聽落好似係件好開心嘅事，喺你悶嗰時可以陪自己玩，但調番轉諗，係件孤獨嘅事。」而導演在度橋時，已假想着女主角是蘇麗珊，後來經朋友介紹下成功找到蘇麗珊演出，導演大讚她的表現出色：「因為拍攝時間好緊逼，但佢埋到位拍攝，其實冇嘢要執，幾乎一take已經OK，令到成個拍攝過程好smooth。」 而 MV 中的另一位演出嘉賓車保羅，非常符合〈金草莓〉的意境，導演睇中車保羅是甘草演員，而且演戲多年的他，上月終於憑《老人與狗》入圍第21屆台北電影節台北電影獎的「最佳男主角」，導演找他演保齡球場場主，將車保羅一向不太受觀眾注視的孤獨感充分在 MV 中發揮。 其實在〈金草莓〉的歌曲和 MV 中，Jason 希望可以借歌詞引起聽眾的反思，他說：「揀公仔嘅過程，好似現實生活中我哋揀對象、揀機會咁，當你企喺選擇位置時，可能會決定得好狠，冇諗到對方感受，但揀人嗰個可能最後同樣都係被人揀，所以我會諗唔好咁容易去唔重視一啲你冇珍惜過嘅機會，因為唔代表佢哋唔好，只不過你冇揀選到，所以當未被選擇時，唔好覺得自己冇嗰個價值。」Jason 更笑言填詞人黃偉文（Wyman）的詞，總會在最尾有點勵志訊息，Jason 笑說：「要去欣賞自己嗰種慘！」 雖然 MV 在保齡球場內拍攝，但在 12 個小時內拍攝完成，而且還要轉換場景的佈置和燈光等，對整個 MV 攝製隊也是一大考驗，導演強調花了相當多時間和心機去完成，儘管很困難，但過程開心，台前幕後都相當enjoy。 陳柏宇 - 金草莓 曲：徐繼宗 詞：黃偉文 編：Edward Chan 監：Edward Chan 七八點了 沒人問津 好貨也特價 整個超市 漸無人客 再度下調吧 留下有個草莓 即使狠狠減價 十個經過 十個摸過 沒抱起它 春季收市 並無業績 只要努力呀 冬季將至 門市更差 都要努力呀 聽著沿路勉勵 心 卻越來越怕 若邂逅買家 有人認領 我會聽到嗎 期待到快爛掉 還未等到你要 旁人都 紛紛給買掉 唯獨自己 戀都失太少 成熟得快爛掉 才獲悉 被遺忘～了 門就關了 期限終了 存貨的草莓 要換了 資格不夠 若能自修 總會有密友 不過修到 全套滿分 不見會自救 你話甜蜜故事 等到熟成就有 但醞釀太久 有時亦會 變作了苦酒 期待到快爛掉 還未等到你要 旁人都 紛紛給買掉 唯獨自己 戀都失太少 成熟得快爛掉 才獲悉 被遺忘～了 門就關了 期限終了 紅過的草莓 要換了 明日的 當天新貨 到了 完全不必比 我已輸了 陳年舊貨 才華學養 哪裡緊要 難道化到爛掉 連自嘲都慣了 連皮膚 都不支皺掉 才能認輸 今生早報銷 還是擺到壞掉 仍幻想 夕陽殘～照 門就關了 期限終了 難過都 必須放下了 難道等到 營業終了 還說這乾果 美極了 Nylon Guitar by Kimme Kwong Guitars by Jason Kui Bass by Chan Siu Kei Drums by 李一丁 Percussions Programming by Crotus Chan Strings arranged by Edward Chan / Dick Wong Violins by Leslie Ryang / Miyaka Suzuki Viola by Zhang Shuying Cello by Richard Bamping Backing Vocal by 陳柏宇 / 溫翰文 Protools Editing by Edward Chan / Kelvin Au Recorded by King Kong / Edward Chan @nova Mixed by King Kong / Edward Chan @nova